ngayon ay ika-12 ng hunyo at dahil patriotic nga ako, me blog ako sa pagdiriwang ng ika-110 pagdiriwang ng kasarinlan ng ating bansa mula sa mga mananakop na espanyol. hindi yung limang pisong papel ang tatalakayin ko dito, gusto ko lang maiba ang picture kaya ko nilagay yan. hahaha!ang isyung bumabagabag sa akin ay dapat ba nating ipagdiwang ang araw ng kalayaan ng ating bansa sa ika-12 ng hunyo? hindi ba sinakop pa tayo ng mga amerikano pagkatapos iwagayway ni emilio aguinaldo ang watawat ng pilipinas sa kawit, cavite? dapat sigurong ibalik ang araw ng kalayaan ng pilipinas sa hulyo 4, 1946 kung saan naging ganap tayong malaya mula sa mga amerikano at mga hapones. kalokohang maituturing ang ginawa ng ama ng kasalukuyang pangulo ng pilipinas na ilipat ang philippine independence day mula sa hulyo 4, 1946 sa hunyo 12, 1898 na ang ginawang basehan lang ay ang unang pagwagayway ng watawat ng pilipinas. marahil naimpluwensyahan ng amerika ang desisyon ni macapagal na baguhin ang kasaysayan ng pilipinas upang palabasin na hindi kailanman dapat ituring na kaaway ang mga amerikano. hindi ko alam kung dapat ba talagang hunyo 12, 1898 ang kalayaan ng pilipinas, pero kung ako ang tatanungin mas nanaisin kong ibalik sa hulyo 4, 1946 dahil ano ba ang tunay na kahulugan ng kalayaan ng pilipinas?
No comments:
Post a Comment